شايفاها هناك اهي قاعده جنب مامتها ماسكة في ايديها الساندوتش, ساندوتش حاجة كدة مقلية, ايه ده! ده معاه كمان بطاطس مقلية... و امها جنبها بتشجعها على انها تاكل كل اكلها... انا سامعة كمان البنت بتقولها "انا عايزه العب يا ماما" و الام بأعلى صوت "مافيش لعب غير لما تكملي اكلك كله, خلصي الاكل يالا !!!"... بعد شوية سمعت البنت بتقول:"انا شبعت"... ياااااه البنت صعبانة عليا اوي قاعدة بتعيط و بتاكل بالعافيه او بصراحة: امها بتحشرلها الاكل بالعافية"
انا نفسي افهم ليه الامهات بتعمل كدة في عيالها؟ ليه بيضروهم, مش المفروض برضه انها تحافظ على صحة اولادها؟ في كل مكان بمشي فيه, بلاحظ ان معظم الاجيال الجديدة احجامهم مش حجم اطفال, دائما بلاقيهم قاعدين بياكلوا اكل مش صحي و الاوحش ان تلاقي لما الطفل يشبع و يقول مش قادر اكمل, تلاقي الام تضغط عليه و تقوله لازم تكمل اكلك علشان "حرام", انا ببقى عايزه اسألها هو ايه بالظبط اللي حرام؟ ... انا بقى اللي عايزه اقول لكل ام بتعمل كده في اولادها, الحرام هو اللي انتي بتعمليه فيهم. انتي اللي حرام عليكي صحتهم, حرام عليكي انك هتخليهم يعانوا بقية حياتهم من الامراض اللي هتجيلهم, و حرام كمان انك هتخليهم ميعرفوش امتى يوقفوا, حرام عليكي انك تأكلي ابنك او بنتك بالعافية لمجرد انه بيعيط و انتي عايزه تسكتيه, مش يمكن يكون بيعيط بألام في معدته, و باللي انتي بتعمليه ده هتتسببي في موته؟
ياريت تعلمي اولادك انهم يوقفوا اكل لما يشبعوا مش لما الطبق يخلص, او لو انتي من بتوع "حرام", يبقى خلاص يا ستي قللي الكمية في الطبق و ياريت كمان يبقى الاكل صحي. و على فكرة مش معنى انك بتزودي الاكل لاولادك او انك بتأكليهم اكل مش صحي -الاكل اللي انتي معوداه عليهم- تبقي بكدة ام لطيفة و طيبة... عمر الام اللي مش بتحافظ على صحة اولادها ماكانت لطيفة... فكري شويه في اللي انتي بتعمليه, لأن انا بجد بحس بقرف لما الاقي ام بتعمل كده في اولادها,,, و بحس برعب من جيل مش عارف امتى يقول لأ
انا نفسي افهم ليه الامهات بتعمل كدة في عيالها؟ ليه بيضروهم, مش المفروض برضه انها تحافظ على صحة اولادها؟ في كل مكان بمشي فيه, بلاحظ ان معظم الاجيال الجديدة احجامهم مش حجم اطفال, دائما بلاقيهم قاعدين بياكلوا اكل مش صحي و الاوحش ان تلاقي لما الطفل يشبع و يقول مش قادر اكمل, تلاقي الام تضغط عليه و تقوله لازم تكمل اكلك علشان "حرام", انا ببقى عايزه اسألها هو ايه بالظبط اللي حرام؟ ... انا بقى اللي عايزه اقول لكل ام بتعمل كده في اولادها, الحرام هو اللي انتي بتعمليه فيهم. انتي اللي حرام عليكي صحتهم, حرام عليكي انك هتخليهم يعانوا بقية حياتهم من الامراض اللي هتجيلهم, و حرام كمان انك هتخليهم ميعرفوش امتى يوقفوا, حرام عليكي انك تأكلي ابنك او بنتك بالعافية لمجرد انه بيعيط و انتي عايزه تسكتيه, مش يمكن يكون بيعيط بألام في معدته, و باللي انتي بتعمليه ده هتتسببي في موته؟
ياريت تعلمي اولادك انهم يوقفوا اكل لما يشبعوا مش لما الطبق يخلص, او لو انتي من بتوع "حرام", يبقى خلاص يا ستي قللي الكمية في الطبق و ياريت كمان يبقى الاكل صحي. و على فكرة مش معنى انك بتزودي الاكل لاولادك او انك بتأكليهم اكل مش صحي -الاكل اللي انتي معوداه عليهم- تبقي بكدة ام لطيفة و طيبة... عمر الام اللي مش بتحافظ على صحة اولادها ماكانت لطيفة... فكري شويه في اللي انتي بتعمليه, لأن انا بجد بحس بقرف لما الاقي ام بتعمل كده في اولادها,,, و بحس برعب من جيل مش عارف امتى يقول لأ
No comments:
Post a Comment