طول الوقت و انا زهقانة و قرفانة, محدش بيحترم القانون, محدش بيحترم الدور. لما كنت في اليابان رجعت مبهورة, الناس كلها بتقف في الطابور لا و ايه, طابور معدول مش معووج و مش طابور ستات ولا رجالة, ولا طابور ملزق في بعضه, بالعكس كل واحد سايب مساحة للي قدامه و اللي وراه... هي دي الجنة اللي بحلم بيها, تفتكروا بجد؟ تفتكروا هي دي الجنة اللي نفسي فيها؟ طيب تعالوا احكي لكم
روحت اجدد رخصة عربيتي و طبعا من اول وهلة اتصدمت, ايه الزحمة دي, ايه الناس دي و ايه الحر ده, معقولة انا هقف في وسط الناس دي !!! وقفتي بعيد مزهولة و لبسي و نظرتي الممتعضة التقتها فراش بسيط جالي جري:- اهلا يا هانم تجديد و لا بدل فاقد؟ قلت له تجديد, قال لي:- طيب عنك انتي استريحي و هاتي الورق... طبعا مافكرتش و لو لثانية, اديتله الورق و غمزلي و قال لي:- طبعا مش هتنسي الشاي بتاعنا, بيني و بين نفسي قلت اه طبعا هين قرشك و لا تهين نفسك, و بسرعة طلعت له مبلغ من الشنطة و قلت له زيهم لما تخلص
طول الوقت و انا بقول نفسي المرور عندنا يبقى زي مرور اليابان, نظام ايه و احترام ايه , كنت مبهورة اوي بفكرة ان في وقت متأخر اوي و مافيش عربيات اصلا و تلاقي عربية واحدة بس واقفة في الاشارة و كمان علشان العربية دي تلف للاتجاه التاني, لازم تمشي لاخر الشارع و تقف في كذا اشارة لحد ما يلاقي لفة. تفتكروا فعلا هو ده اللي انا نفسي اشوفه في بلدي؟
مرة كنت رايحة الشغل و الشارع زحمة اوي و مافيش مساحة بين العربية و التانية, يدوب ماشية على الاول.. ايه الزحمة دي انا كده مستحيل اوصل الشغل النهاردة و الناس كلها مش طايقة نفسها و كله مستني اي مساحة علشان يعدي هو, مستحيل اطلب من حد انه يوسعلي و طبعا مش هفضل احكي له قصة حياتي و اني هتأخر على الشغل, لأنه في الاغلب متأخر زيي.. و انا قاعدة حيرانة و قرفانة, اعمل ايه ؟ ما انا كمان لو لفيت من الفاتحة اللي جايا و اختصرت الطريق, العسكري هيديني مخالفة.. بصيت له هو شكله غلبان الصراحة, استغليت الموقف و طلعت مبلغ من الشنطة و اديتهوله و قلت له الدنيا زحمة اوي و كل سنة و انت طيب, فجأة لقيته وسعلي مكان علشان الف و اختصر
كتير بقول لازم الواحد يحترم الدور, لكن لما روحت الجامعة علشان اجيب ورق و اخلص حاجات, لقيت زحمة مع الحر ده غير الريحة كمان, يعني مستحيل اقف في وسط الزحمة دي في الريحة دي, انا ممكن يغم عليا طبعا ده غير التحرش.. لقيت فراش جالي و بيقولي حضرتك عايزة ايه, بسرعة و من غير ما يجيب سيرة الشاي , انا من نفسي طلعت له مبلغ من نفس الشنطة و قلت له زيهم لما تخلص
أخدت رخصتي الجديدة , وصلت الشغل في معادي و جبت الورق من الجامعة... و انا ماشية بعيد عن الزحمة قلت:- الفساد حلو مافيش كلام
روحت اجدد رخصة عربيتي و طبعا من اول وهلة اتصدمت, ايه الزحمة دي, ايه الناس دي و ايه الحر ده, معقولة انا هقف في وسط الناس دي !!! وقفتي بعيد مزهولة و لبسي و نظرتي الممتعضة التقتها فراش بسيط جالي جري:- اهلا يا هانم تجديد و لا بدل فاقد؟ قلت له تجديد, قال لي:- طيب عنك انتي استريحي و هاتي الورق... طبعا مافكرتش و لو لثانية, اديتله الورق و غمزلي و قال لي:- طبعا مش هتنسي الشاي بتاعنا, بيني و بين نفسي قلت اه طبعا هين قرشك و لا تهين نفسك, و بسرعة طلعت له مبلغ من الشنطة و قلت له زيهم لما تخلص
طول الوقت و انا بقول نفسي المرور عندنا يبقى زي مرور اليابان, نظام ايه و احترام ايه , كنت مبهورة اوي بفكرة ان في وقت متأخر اوي و مافيش عربيات اصلا و تلاقي عربية واحدة بس واقفة في الاشارة و كمان علشان العربية دي تلف للاتجاه التاني, لازم تمشي لاخر الشارع و تقف في كذا اشارة لحد ما يلاقي لفة. تفتكروا فعلا هو ده اللي انا نفسي اشوفه في بلدي؟
مرة كنت رايحة الشغل و الشارع زحمة اوي و مافيش مساحة بين العربية و التانية, يدوب ماشية على الاول.. ايه الزحمة دي انا كده مستحيل اوصل الشغل النهاردة و الناس كلها مش طايقة نفسها و كله مستني اي مساحة علشان يعدي هو, مستحيل اطلب من حد انه يوسعلي و طبعا مش هفضل احكي له قصة حياتي و اني هتأخر على الشغل, لأنه في الاغلب متأخر زيي.. و انا قاعدة حيرانة و قرفانة, اعمل ايه ؟ ما انا كمان لو لفيت من الفاتحة اللي جايا و اختصرت الطريق, العسكري هيديني مخالفة.. بصيت له هو شكله غلبان الصراحة, استغليت الموقف و طلعت مبلغ من الشنطة و اديتهوله و قلت له الدنيا زحمة اوي و كل سنة و انت طيب, فجأة لقيته وسعلي مكان علشان الف و اختصر
كتير بقول لازم الواحد يحترم الدور, لكن لما روحت الجامعة علشان اجيب ورق و اخلص حاجات, لقيت زحمة مع الحر ده غير الريحة كمان, يعني مستحيل اقف في وسط الزحمة دي في الريحة دي, انا ممكن يغم عليا طبعا ده غير التحرش.. لقيت فراش جالي و بيقولي حضرتك عايزة ايه, بسرعة و من غير ما يجيب سيرة الشاي , انا من نفسي طلعت له مبلغ من نفس الشنطة و قلت له زيهم لما تخلص
أخدت رخصتي الجديدة , وصلت الشغل في معادي و جبت الورق من الجامعة... و انا ماشية بعيد عن الزحمة قلت:- الفساد حلو مافيش كلام
