شروط
الشهرة في مصر
اطلع في فيديو على اليوتيوب قول أي كلمتين بلغة تانية بس بطريقة مالهاش علاقة باللغة نفسها، بحيث ان الناس تضحك و تفضل تنشر في الفيديو كتير، و بكده ممكن حد يستضيفك في بلد تانية في الإعلام بغرض انه يضحك الناس عليك و طبعا أول ما ترجع هتلاقي الإعلاميين كلهم عايزين يستضيفوك هما كمان في قنواتهم علشان يضحكوا الناس عليك و بكده يكونوا مجمعين أكبر عدد مشاهدة خصوصا أننا بنحب التفاهة زي عنينا
خد كورس تنمية بشرية و صور نفسك على اليوتيوب بتقول أي كلمتين انت سارقهم من حد و تداول انك بروفيشينال في الموضوع ده و انك كمان متعلم على أيد ناس كبيرة، أقولك كمان انت ممكن تقول برضه انك معاك دكتوراه و أراهنك ان الناس هتصدقك و في أي خروجة كبيرة و انت قاعد وسط مجموعة كبيرة قول انك بتاع تنمية بشرية و أبدا كمان قول لكل شخص حاجات عن شخصيته "اللي هي بتبقى حاجات فينا كلنا أصلا" هتلاقي الناس بدأت تستدعيك في ندوات انك تلقي محاضرات و بعديها تطلع على القنوات و مبروك عليك الشهرة
قف في نص الشارع و علق على صدرك يافطة، على طول الناس هتطلع الموبايلات و تصورك و تتداولها على مواقع التواصل الاجتماعي و تبدأ صورتك تنتشر اكتر لحد ما حد يستضيفك في الإعلام و يقولك احكيلي
ممكن كمان تضرب بوتوكس أو فيللر أصلي بدأت أحس انهم شرط من شروط الشهرة
و دي بقى أسهل حاجة، اطلع في أي فيديو البس عباية بيضة و ربي ذقنك و أمسك السبحة و أقعد كحت راسك في الأرض لزوم الزبيبة و ماتفكرش في أي حاجة انت بتقولها و قول أي هبل، عارف ليه ؟ لأن الناس أول ما هتشوفك بالمنظر ده على طووووول هيقولوا عليك انك داعية و انك دارس مش عارف ايه و معاك دكتوراه في ايه و كمان في مليون واحد شاهرين إسلامهم على أيدك ... بص من الآخر ماتقلقش أعمل انت بس اللي قلتلك عليه و الناس هتقوم بالباقي و مبروك عليك بقيت داعية .. أما بقى لو انتي ست فلااااازم و لا بد من العباية البيضة مع الخمار الأبيض مع شوية بودرة بمبي على و شك و السبحة في أيدك و حاولي تسبلي و تتسهوكي في الكلام و مبروك عليكي بقيتي داعية
أصل الناس تحب المظاهر أوي و تحب تسمع كلام كتيييير و سهل أوي تضحك عليها و تحب كمان اللي يضحك عليها ... مبرووووك عليك الشهرة يا شعب
اطلع في فيديو على اليوتيوب قول أي كلمتين بلغة تانية بس بطريقة مالهاش علاقة باللغة نفسها، بحيث ان الناس تضحك و تفضل تنشر في الفيديو كتير، و بكده ممكن حد يستضيفك في بلد تانية في الإعلام بغرض انه يضحك الناس عليك و طبعا أول ما ترجع هتلاقي الإعلاميين كلهم عايزين يستضيفوك هما كمان في قنواتهم علشان يضحكوا الناس عليك و بكده يكونوا مجمعين أكبر عدد مشاهدة خصوصا أننا بنحب التفاهة زي عنينا
خد كورس تنمية بشرية و صور نفسك على اليوتيوب بتقول أي كلمتين انت سارقهم من حد و تداول انك بروفيشينال في الموضوع ده و انك كمان متعلم على أيد ناس كبيرة، أقولك كمان انت ممكن تقول برضه انك معاك دكتوراه و أراهنك ان الناس هتصدقك و في أي خروجة كبيرة و انت قاعد وسط مجموعة كبيرة قول انك بتاع تنمية بشرية و أبدا كمان قول لكل شخص حاجات عن شخصيته "اللي هي بتبقى حاجات فينا كلنا أصلا" هتلاقي الناس بدأت تستدعيك في ندوات انك تلقي محاضرات و بعديها تطلع على القنوات و مبروك عليك الشهرة
قف في نص الشارع و علق على صدرك يافطة، على طول الناس هتطلع الموبايلات و تصورك و تتداولها على مواقع التواصل الاجتماعي و تبدأ صورتك تنتشر اكتر لحد ما حد يستضيفك في الإعلام و يقولك احكيلي
ممكن كمان تضرب بوتوكس أو فيللر أصلي بدأت أحس انهم شرط من شروط الشهرة
و دي بقى أسهل حاجة، اطلع في أي فيديو البس عباية بيضة و ربي ذقنك و أمسك السبحة و أقعد كحت راسك في الأرض لزوم الزبيبة و ماتفكرش في أي حاجة انت بتقولها و قول أي هبل، عارف ليه ؟ لأن الناس أول ما هتشوفك بالمنظر ده على طووووول هيقولوا عليك انك داعية و انك دارس مش عارف ايه و معاك دكتوراه في ايه و كمان في مليون واحد شاهرين إسلامهم على أيدك ... بص من الآخر ماتقلقش أعمل انت بس اللي قلتلك عليه و الناس هتقوم بالباقي و مبروك عليك بقيت داعية .. أما بقى لو انتي ست فلااااازم و لا بد من العباية البيضة مع الخمار الأبيض مع شوية بودرة بمبي على و شك و السبحة في أيدك و حاولي تسبلي و تتسهوكي في الكلام و مبروك عليكي بقيتي داعية
أصل الناس تحب المظاهر أوي و تحب تسمع كلام كتيييير و سهل أوي تضحك عليها و تحب كمان اللي يضحك عليها ... مبرووووك عليك الشهرة يا شعب
