مش معايا فكة, في مع حضرتك فكة ؟
جملة بنسمعها كلنا من عامل دليفري او محصل الفواتير او البواب او سائق التاكسي او لما مثلا تكون ناوي تدي لحد بقشيش و انت مش معاك فكة فتقول للشخص اللي هتديله "ممكن تفكلي الورقة دي " ايا كان الرقم تلاقيه بيقولك " مش معايا غير دول " دول في الاغلب بيبقوا نص المبلغ اللي انت عايز تفكه و ساعات اكتر... يعني مثلا من فينا ما اخدش بالباقي لبان ؟
الواحد بقى يحس ان كل حاجة في البلد دي بلطجة و اي حد عايز ياخد حاجة بياخدها بلطجة و ماشي بمبدأ " هو كده و اللي مش عاجبه يروح يولع في نفسه !!! " او هو كده و لو مش عاجبك اللي عندك اعمله... كتير اوي من الناس بيبقوا عايزين ياخدوا منك حاجة بالعافية و غصب عنك, بس بتختلف بقى على حسب كل واحد و غرضه. يعني مثلا فيه اللي عايز ياخد فلوس, و اللي عايز ياخد مشاعر و اللي عايز يسمع منك كلمة انت مش عايز تقولها و فيه كمان اللي عايز ياخد نظرة او لمسة !!! ... اصل البلطجة بقت اسلوب حياة او كتالوج للتعامل مع الناس
مافيش حد بيحترم حرية او مساحة الناس اللي حواليه, كل واحد عينه في ايد اللي جنبه. يعني مثلا اللي عينه في عربية جاره و اللي عينه في جمال حد و اللي عينه في شطارة صاحبه في المدرسة او الجامعة و اللي عينها في موبايل صاحبتها و اللي عينه و اللي عينه و اللي عينه.... و من ده كتييييير اوي. اصل البلطجة انواع و بتختلف من كل شخص و اسلوبه
في نوع كتير اوي بيعاني منه ناس كتير اوي و ده النوع اللي بيمشي بيه سواقين التوكتوك و الميكروباص و الاتوبيس ... تلاقي كدة ايه, وانت ماشي بعربيتك في امانة الله بسرعة متوسطة و على جنب و في حالك, السواق من دول ساب الطريق كله و لازق فيك و شغال كلاكسات و يروح زانق عليك و معدي من جنبك اليمين و باصصلك بصة وحشة اوي و يجي يمشي قدامك و يفضل يضايقك و يبطأ السرعة , تبقى عايز تقوله حضرتك انا ماشي في الوسط , السريع يمشي على الشمال, بس طبعا كل ده بيدور في بالك و بتسكت احسن لانك لو نطقت مش هتخرج منها سليم و مش هتخرج منها سليم لييييه ؟؟؟ لانه بلطجي
و زي ما قلت ان البلطجة انواع, احب اقول اهم نوع و اكتر نوع منتشر في بلدنا و هو التحرش... اه طبعا المتحرش بلطجي لانه بيبقى عايز يلمس حتة من الجسم غصب عن الشخص التاني , بلطجي لانه بيتعدى على حاجة مش بتاعته... بالرغم ان ده اهم نوع و اكترهم انتشارا لكن للاسف معظمهم بيبرروا التحرش
كل واحد لو دور جواه هيلاقي بلطجي... و مش عيب انك تلاقي بلطجي جواك لكن العيب انك لما تلاقيه ما تعترفش بيه و تعفي نفسك من مسؤولية اعمالك اللي بتنتج عن البلطجة... فقبل ما تشتكوا من كتالوج التعاملات في بلدنا... ربوا عيالكوا الاول
جملة بنسمعها كلنا من عامل دليفري او محصل الفواتير او البواب او سائق التاكسي او لما مثلا تكون ناوي تدي لحد بقشيش و انت مش معاك فكة فتقول للشخص اللي هتديله "ممكن تفكلي الورقة دي " ايا كان الرقم تلاقيه بيقولك " مش معايا غير دول " دول في الاغلب بيبقوا نص المبلغ اللي انت عايز تفكه و ساعات اكتر... يعني مثلا من فينا ما اخدش بالباقي لبان ؟
الواحد بقى يحس ان كل حاجة في البلد دي بلطجة و اي حد عايز ياخد حاجة بياخدها بلطجة و ماشي بمبدأ " هو كده و اللي مش عاجبه يروح يولع في نفسه !!! " او هو كده و لو مش عاجبك اللي عندك اعمله... كتير اوي من الناس بيبقوا عايزين ياخدوا منك حاجة بالعافية و غصب عنك, بس بتختلف بقى على حسب كل واحد و غرضه. يعني مثلا فيه اللي عايز ياخد فلوس, و اللي عايز ياخد مشاعر و اللي عايز يسمع منك كلمة انت مش عايز تقولها و فيه كمان اللي عايز ياخد نظرة او لمسة !!! ... اصل البلطجة بقت اسلوب حياة او كتالوج للتعامل مع الناس
مافيش حد بيحترم حرية او مساحة الناس اللي حواليه, كل واحد عينه في ايد اللي جنبه. يعني مثلا اللي عينه في عربية جاره و اللي عينه في جمال حد و اللي عينه في شطارة صاحبه في المدرسة او الجامعة و اللي عينها في موبايل صاحبتها و اللي عينه و اللي عينه و اللي عينه.... و من ده كتييييير اوي. اصل البلطجة انواع و بتختلف من كل شخص و اسلوبه
في نوع كتير اوي بيعاني منه ناس كتير اوي و ده النوع اللي بيمشي بيه سواقين التوكتوك و الميكروباص و الاتوبيس ... تلاقي كدة ايه, وانت ماشي بعربيتك في امانة الله بسرعة متوسطة و على جنب و في حالك, السواق من دول ساب الطريق كله و لازق فيك و شغال كلاكسات و يروح زانق عليك و معدي من جنبك اليمين و باصصلك بصة وحشة اوي و يجي يمشي قدامك و يفضل يضايقك و يبطأ السرعة , تبقى عايز تقوله حضرتك انا ماشي في الوسط , السريع يمشي على الشمال, بس طبعا كل ده بيدور في بالك و بتسكت احسن لانك لو نطقت مش هتخرج منها سليم و مش هتخرج منها سليم لييييه ؟؟؟ لانه بلطجي
و زي ما قلت ان البلطجة انواع, احب اقول اهم نوع و اكتر نوع منتشر في بلدنا و هو التحرش... اه طبعا المتحرش بلطجي لانه بيبقى عايز يلمس حتة من الجسم غصب عن الشخص التاني , بلطجي لانه بيتعدى على حاجة مش بتاعته... بالرغم ان ده اهم نوع و اكترهم انتشارا لكن للاسف معظمهم بيبرروا التحرش
كل واحد لو دور جواه هيلاقي بلطجي... و مش عيب انك تلاقي بلطجي جواك لكن العيب انك لما تلاقيه ما تعترفش بيه و تعفي نفسك من مسؤولية اعمالك اللي بتنتج عن البلطجة... فقبل ما تشتكوا من كتالوج التعاملات في بلدنا... ربوا عيالكوا الاول
